Монголчуудын хамтын ажиллагааг өргөжүүлэх уулзалт, зөвлөгөөнд урьж байна!

Эрхэм хүндэт Их Британид амьдарч буй Монголчууд аа,

Монголчууд бидний хувьд эвлэлдэн нэгдэж, санал бодлоо нэгтгэн, эрх ашгаа харилцан дэмжин хамтран ажиллах цаг үе ирсэн гэдэгт бид итгэж байна. Иймд шинээр ирсэн оюутан, сурагчид, түр хугацаагаар болон байнгын оршин суугаа иргэд та бүхнийг Монбрит клубээс санаачлан зохион байгуулж буй нийт Монголчуудын уулзалт, зөвлөгөөнд хүрэлцэн ирэхийг урьж байна.

Энэхүү уулзалтын үеэр:

Хувь хүн, холбоо, байгууллага, оюутан, сурагч, бизнес эрхлэгчдийн санал хүсэлт болон шинэ санаа санаачлагаа харилцан ярилцаж санал солилцох,

Харилцан дэмжлэг үзүүлэх, хамтын ажиллагааг өргөжүүлэх боломжуудыг хэлэлцэх

Цаашдын хамтын ажиллагааны чиглэлийг тодорхойлох

зорилготой байх болно.

Монбрит клуб уулзалтын байр болон шаардлагатай зардлыг хариуцах бөгөөд хувь хүн, холбоо, байгууллагууд Та бүхнийг энэхүү уулзалтад өргөнөөр хүрэлцэн ирж, өөрийн санаа бодлоо хуваалцаж, хамтдаа хөгжих боломжуудыг нээхийг уриалж байна!”

Нэгдэж, нийлж, хамтдаа хүчирхэгжье!